အမေး။ ။ဆရာတော်ဘုရား……. တစ်နာရီအတွင်းမှာပဲ ပရိတ်ကြီး(၁၁)သုတ်လုံးရွတ်တာနဲ့ ပရိတ်ကြီး(၁၁)သုတ်ထဲမှ တစ်သုတ်သုတ်ကို တစ်နာရီလုံး ရွတ်တဲ့အနက် ဘယ်ဟာက ပိုအစွမ်းထက်ပါလဲဆိုတာ အဖြေပေးတော်မူပါဘုရား။
ရှင်သန့်
ရေနီ
အဖြေ။ ။ပရိတ်အစွမ်းထက်ဖို့အတွက် အခေါက်ရေများများ ရွတ်ဖတ်တာ အဓိကမဟုတ်ပါဘူး။ ပရိတ်ရွတ်ဖတ် သူနဲ့ နာယူသူတို့ရဲ့အင်္ဂါပြည့်စုံရင် အစွမ်းထက်ပါတယ်။
ပရိတ်ရွတ်ဖတ်သူက…
ပုဒ်ပါဌ်အက္ခရာကို မှန်မှန်ကန်ကန် ရွတ်တတ်ရမယ်။
ပရိတ်ရဲ့အနက်အဓိပါယ်ကို ကောင်းကောင်းနားလည်ရမယ်။
ပရိတ်နာတဲ့သူအပေါ်မှာ သနားတဲ့ ကရုဏာစိတ်၊အကျိုးလိုလားတဲ့မေတ္တာစိတ် ထားရမယ်။
နာယူသူရဲ့အင်္ဂါက..
ကံကြီးထိုက်နေရင် နာယူသူကို ပရိတ်က မစောင့်ရှောက်ဘူး။
နာယူတဲ့သူက မိစ္ဆာဒိဋ္ဌိ အယူမှားနေရင်လဲ ပရိတ်က မစောင့်ရှောက်ဘူး။
နာယူသူက ပရိတ်ကို မယုံပြန်ဘူးဆိုရင်လဲ ပရိတ်ကမစောင့်ရှောက်ဘူး။ ဒါကြောင့် နာယူသူက ကံကြီးထိုက်တာမရှိဘူး၊ အယူမှန်နေမယ်။ ပရိတ်ကို ယုံကြည်မယ်ဆိုရင် နာယူသူရဲ့အင်္ဂါပြည့်စုံပြီလို့ ဆိုရမယ်။ ဒီလိုပါပဲ ပရိတ်နာယူသူနဲ့ ရွတ်ဖတ်သူတို့ရဲ့အင်္ဂါပြည့်စုံမယ်ဆိုရင် ပရိတ်က အစွမ်းထက်မယ်ဆိုတာ ဖြေကြားပေးလိုက်ရပါတယ်။
စာရေးသူ- ဦးကောဝိဒ(မြိတ်)
No comments:
Post a Comment