ဘာသာရေးပြသနာများ

( ဘဒ္ဒန္တ တိလောကသာရ ဖြေသည် )

(မေး) (ဂိလာနအရ လူပုဂ္ဂိုလ် လူမမာ ပါ-မပါ)
အရှင်ဘုရား၊ ယော ဘိက္ခဝေ၊ မံ ဥပဋ္ဌဟေယျ၊ သော ဂိလာနံ ဥပဋ္ဌဟေယျ-ချစ်သားတို့ ငါ့ကိုလုပ်ကျွေးလိုသူသည် ဂိလာနပုဂ္ဂိုလ်ကို လုပ်ကျွေးရာ၏-ဟု ဘုရားဟော ရှိသည်ဟုဆိုပါသည်။ ထိုတွင် ဂိလာနပုဂ္ဂိုလ် ဟူသည်မှာ ရဟန်းဂိလာနကိုသာ ဆိုပါသလော၊ လူဂိလာနများလည်း ပါပါသလော။ သိလို၍ ရှင်းလင်းဖြေကြားပေးတော်မူပါဘုရား။
( ဆရာဝန်တဦး )

( ဖြေ )
ထို ယော ဘိက္ခဝေ-စသော ပါဠိတော်မှာ ဝိနည်းမဟာဝါ ပါဠိတော် ဂိလာနဝတ္ထုကထာ (ဝိ ၃၊ ၄၁၇) လာ စကားရပ်ဖြစ်ရာ သစေ ဥပဇ္ဈာယော ဟောတိ၊ ဥပဇ္ဈာယေန ယာဝဇီဝံ ဥပဋ္ဌာပေတဗ္ဗော (ဥပဇ္ဈာယ်ဆရာ ရှိလျှင် ဥပဇ္ဈာယ်ဆရာက တသက်လုံး လုပ်ကျွေးရမည်) စသည် ဆက်၍ ဟောထားသဖြင့်၎င်း။ အဋ္ဌကထာတွင် သော သံဃဿဘာရော (ဝိဋ္ဌ ၃၊ ၄၁၄) စသည်ဖြင့်၎င်း။ ဖွင့်ဆိုထား၍ ဂိလာနအရမှာ လူပုဂ္ဂိုလ်များနှင့် မဆိုင်၊ သံဃာ (ရဟန်း) ဂိလာနများကိုသာ ဆိုလိုကြောင်း ထင်ရှားပါသည်။

********************************************************************************

(မေး) (သာသနာငါးထောင်)
အရှင်ဘုရား၊ သာသနာငါးထောင် တည်မည်ဟု မြတ်စွာဘုရား ဗျာဒိတ်ပေးတော်မူပါသလား။ သာသနာ ၂၅ဝဝ-ကျော်လျှင် သိကြားမင်းရဲ့ သာသနာဆိုတာ ဟုတ်ပါသလား။ မြတ်စွာဘုရားက သိကြားမင်းကို သာသနာ ၂၅ဝဝ နောက်ပိုင်း စောင့်ရှောက်ပါဟု မှာတော်မူခဲ့ပါသလားဘုရား။ ကျေးဇူးပြုပြီး ဖြေကြားပေးပါဘုရား။
( မောင်ကြည်စိုး-လားရှိုးမြို့ )

(ဖြေ)
သာသနာငါးထောင်နှင့် ပတ်သက်၍ ရှေးရှေးပဝေသဏီကပင် မေးကြ၊ ဖြေကြ၊ ငြင်းကြ၊ ခုံကြဖြင့် ဆောင်းပါးပေါင်းများစွာ ဖတ်ရှုခဲ့ရပေသည်။ သာသနာ ၂၅၀၀-ပြည့် ပွဲတော်ဖြစ်သော ၁၃၁၈ (၁၉၅၆) ခုနှစ်အချိန်ကလည်း သတင်းစာများတွင် ဆောင်းပါးပေါင်းများစွာ တွေ့ရပေသည်။ ထို့နောက် အတန်ငယ်ငြိမ်သက်နေရာမှ ယခု လားရှိုး ဦးကြည်စိုး၏ အမေးကို တွေ့ရ၍ သာသနာငါးထောင်သည် မှိန်ရာမှ လင်းလာပြန်ချေပြီ။ ထို့ကြောင့် သင့်တန်ရုံသာ ရေးသားဖြေကြားလိုက်ပါသည်။

သာသနာငါးထောင်ဟူသော ဝေါဟာရကို ၁၂၃၁-ခုနှစ်အတွင်း မြန်မာနိုင်ငံ ရတနာပုံ နေပြည်တော် မင်းတုန်းတင်းတရားကြီးလက်ထက် အမရပူရမြို့ မဟာသကျသီဟတိုက်နေ ဦးဝဏ္ဏာစာရ အမည်ရှိသော ပုဂ္ဂိုလ်သူမြတ်က နေတ္တိကျမ်းကို ထုတ်ဆောင်၍ သာသနာငါးထောင် ဘုရားဟောရှိကြောင်း ဟောပြောသည်ဟု ဆိုပါသည်။ ထိုပုဂ္ဂိုလ်က နေတ္တိကျမ်း ၁၆-ပါးသော ဟာရတို့တွင် သာသနာဟာရ၌ အနုဇာနာမိ ဘိက္ခဝေ မမ ပရိနိဗ္ဗာနတော ပစ္ဆာ ပဉ္စ၀ဿသဟဿံ သာသနံ ပတိဋ္ဌာတုံ-ဟူ၍ ဟောတော်မူကြောင်း ( အနက်မှာ-ဘိက္ခဝေ-ရဟန်းတို့၊ မမ ပရိနိဗ္ဗာနတော-ငါဘုရား ပရိနိဗ္ဗာန် စံတော်မူသည်မှ၊ ပစ္ဆာ-နောက်၌၊ ပဉ္စ၀ဿသဟဿံ-အနှစ်ငါးထောင်၊ သာသနံ-သာသနာတော်ကို၊ ပတိဋ္ဌာတုံ-တည်စိမ့်သောငှါ၊ အနုဇာနာမိ-ခွင့်ပြုတော်မူ၏။ ) ဤစကားကိုထောက်၍ သာသနာငါးထောင် စကားကျယ်ပွားလာကြောင်း ပကိဏ္ဏက၀ိသဇ္ဇနာကျမ်းတွင် ဖော်ပြသည်။
********************************************************************************

(မေး) (သောတာပန်နှင့် ဒိဋ္ဌိတရား)
အရှင်ဘုရား၊ တပည့်တော် ရိုသေစွာ လျှောက်ထားအပ်ပါသည်။ တပည့်တော်မ ဖတ်ဖူးသော စာအုပ်များတွင် သက္ကာယဒိဋ္ဌိ၊ သဿတဒိဋ္ဌိနှင့် ဥစ္ဆေဒဒိဋ္ဌိ။ ဤသုံးပါးကို ပယ်နိုင်လျှင် သောတာပန်ဖြစ်သည်ဟု ဖတ်ဖူးပါသည်။ ယခင်လ မြတ်မင်္ဂလာစာစောင်၌ ဒိဋ္ဌိဂတသမ္ပယုတ်စိတ်လေးပါးနှင့် ၀ိစိကိစ္ဆာတပါး၊ စုစုပေါင်း ငါးပါးကို ပယ်နိုင်လျှင် သောတာပန်ဖြစ်သည်ဟု တွေ့ရပါသည်။ ထို့ကြောင့် သုံးပါးနှင့် ငါးပါး မည်သို့ကွာခြားသည်ကို ဖြေကြားပေးတော်မူပါဘုရား။
(မနီနီ-မော်လမြိုင်မြို့)

( ဖြေ )
အကုသိုလ်စိတ် ၁၂-ခု၌ပါသော ဒိဋ္ဌိဂတသမ္ပယုတ်စိတ် လေးပါးဟုဆိုလျှင် ဒိဋ္ဌိအားလုံး အကျုံးဝင်သွားပါသည်။ သက္ကာယဒိဋ္ဌိ၊ သဿတဒိဋ္ဌိ၊ ဥစ္ဆေဒဒိဋ္ဌိတို့လည်း ထိုဒိဋ္ဌိဂတသမ္ပယုတ်စိတ်တွင် ပါသွားပါသည်။ ထို့ကြောင့် သောတာပတ္တိမဂ်ဖြင့် ဒိဋ္ဌိဂတသမ္ပယုတ်စိတ် လေးခု၊ ၀ိစိကိစ္ဆာသဟဂုတ်စိတ်တခု၊ ဤငါးခုသော ကိလေသာတို့ကို အကြွင်းမဲ့ပယ်သည်။ ဟု ဆိုလျှင် သက္ကာယဒိဋ္ဌိ စသော ဒိဋ္ဌိအားလုံး ပါဝင်သွားကြောင်း မှတ်သားသင့်ပါသည်။

အခြားပြဿနာများနှင့်စပ်၍ မှတ်သားရန်မှာ သောတာပန်ဖြစ်သွားလျှင် သုဂတိ-ဂတိမြဲသွားပါပြီ။ လုံးဝအပါယ်သို့ ကျရောက်နိုင်ခြင်း မရှိတော့ပါ။ သောတာပန်ဖြစ်ပြီးသော အရိယာပုဂ္ဂိုလ်သည် သကဒါဂါမ်စသည် အထက်မဂ်ဖိုလ်သို့သာ လားရာရှိပါသည်။ ပုထုဇဉ်ဘ၀သို့ လုံးဝပြန်လည်လျှောကျခြင်း မရှိပါ။
*********************************************************************************

(မေး) ( သံဃိက နှင့် ပုဂ္ဂလိက )
အရှင်ဘုရား၊ သံဃာတော်များအား လှူဒါန်းထားသောပစ္စည်းများတွင် ပုဂ္ဂလိက နှင့် သံဃိက ဟူ၍ နှစ်မျိုးရှိရာ ယင်းပစ္စည်းများကို သံဃာတော်က စွန့်သည်ဖြစ်စေ၊ မစွန့်သည်ဖြစ်စေ လူပုဂ္ဂိုလ်များ ယူကောင်းပါသလားဘုရား၊ သုံးစွဲခြင်း၊ အိမ်မှာထားခြင်းအတွက် အပြစ်ရှိသည် မရှိသည်ကို သိလို၍ ဖြေကြားပေးတော်မူပါဘုရား။
( မောင်သန်းဆွေ-စစ်ကိုင်းတိုင်း )

( ဖြေ )
ပုဂ္ဂလိကပစ္စည်းကို ဆိုင်ရာပစ္စည်း ရှင်ရဟန်းတော်များက စွန့်လွှတ်ပေးကမ်းလျှင် သုံးစွဲနိုင်ခွင့်ရှိပါသည်။
သံဃိကပစ္စည်းကို ရှင်ရဟန်းတော်များကလည်း စွန့်လွှတ်ပေးကမ်းနိုင်ခွင့်မရှိ။ လူပုဂ္ဂိုလ်များအနေဖြင့်လည်း လက်ခံသုံးစွဲနိုင်ခွင့် မရှိပါ။ သို့သော် ပစ္စည်းမှာ သံဃိကပစ္စည်းဖြစ်သော်လည်း သံဃာမှာ အသုံးမကျသော ပစ္စည်းများကို လူဒါယကာက တန်ဖိုးတူဖြစ်သော ပစ္စည်း တမျိုးမျိုးဖြင့် လဲလှယ်ရယူထားခြင်းမျိုးကိုကား ချွင်းချက်အဖြစ်ထား၍ သုံးစွဲနိုင်ပါသည်။
********************************************************************************

(မေး) (ပစ္စည်းရှိလျက် မသုံးရသူ)
အရှင်ဘုရား၊ လောက၌ အချို့သူတို့သည် ပစ္စည်းကောင်းရှိလျက် မသုံးဘဲ ပစ္စည်းညံ့ကိုသာ အကြောင်းအမျိုးမျိုးပြ၍ သုံးခြင်း၊ ဤသို့ ပစ္စည်းရှိလျက်နှင့် မသုံးစွဲခြင်းတို့ကို တွေ့နေရပါသည်။ အဘယ်ကြောင့် ဤသို့ ဖြစ်ရပါသနည်း။ ကံပိုင်းဆိုင်ရာနှင့် ဆက်စပ်မှု ရှိ-မရှိ ဖြေကြားပေးတော်မူပါဘုရား။
( မောင်ပိန်ကေ(ခ) ထွန်းထွန်း-လွိုင်ကော် )

( ဖြေ )
ပစ္စည်းကောင်းရှိလျက် အညံ့ကိုသုံးသူ။ ပစ္စည်းရှိလျက် မသုံးမစွဲ (တွန့်တို) သူ။ နှမြောစေးနှဲသူတို့သည် အတိတ်ဘ၀က အလှူပေးခဲ့သော်လည်း အပရစေတနာ ပျက်ကွက်ခဲ့သူ (လှူပြီးသည့်နောက် မိမိလှူမိသည်ကို တွေး၍ နှမြောနေမိသူ) များ ဖြစ်ကြောင်း ဆိုပါသည်။
ယင်းသို့ စေတနာသုံးတန် ပျက်၍ မကောင်းကျိုးဖြစ်ရပုံကို မန်လည်ဆရာတော်က မဃဒေ၀လင်္ကာ (ပိုဒ်-၂၈၅) တွင် ဤသို့စပ်ဆိုခဲ့ပါသည်။

ဒါနဟူသည်၊ ပြုအံ့ရည်သော်၊ မလည်မသုန်၊ သဒ္ဓါဟုန်ဖြင့်၊ မတုန်မလှုပ်၊ ထိန်းအုပ်မစ္ဆေ၊ မတွန့်စေနဲ့၊
လှူထွေရှေ့ဖို့၊ ဉာဏ်မဲ့ချို့၍၊ တွန့်တိုတုံက၊ ပထမအရွယ်၊ နောင်ခါဝယ်၌၊ နွမ်းနယ်ချမ်းသာ၊ ဆိုးရုပ်ဝါနှင့်၊ မဟာကုသ၊ ပဉ္စပါပီ၊ မဟေသီသို့၊ ယက္ခီယက္ခ၊ တူတမျှဖြင့်၊ ရူပလက္ခဏာ၊ ပျက်တတ်စွာ၏၊
နောက်မှာတွန့်ငြား၊ သားသမီးမဲ့၊ ချို့တဲ့ယွင်းယို၊ ထန်းငုတ်တိုသို့၊ အိုခါဒုက္ခ၊ ရသည်ဆင်းရဲ၊ တိမ်းလွဲစည်းစိမ်၊ ဂုဏ်သိရ်နိမ့်ကျ၊ ဖြစ်တတ်ကြ၏။
ပဒုမ၀တီ၊ ဒေ၀ီနေမြတ်၊ သန္ဓေနတ်နှင့်၊ ပညတ်မည်ထုတ်၊ အပုတ္တက၊ သူဌေးစသည်၊ ထိုမျှဝတ္ထု၊ အစုစုကို၊ မျှော်ရှုနှိုင်းဆ၊ ထောက်အပ်စွာ့ရှင့်၊
မုဉ္စအခါ၊ တွန့်တိုပါသော်၊ အင်္ဂါချို့တဲ့၊ ဂုဏ်မဲ့မျိုးနွယ်၊ မတင့်တယ်ဘဲ၊ ငယ်၏တန်ခိုး၊ မပြည့်ဖြိုးသည်၊ နွမ်းညှိုးရော်ရမ်းရမည်ကိုကား။

ယင်း၌ အပုတ္တကသူဌေးဟူသည် ဘုရားရှင်လက်ထက်က သာဝတ္ထိပြည်တွင် ကုဋေပေါင်းများစွာ ချမ်းသာသော်လည်း မသုံးရက်၊ မစားရက်၊ ဆင်းဆင်းရဲရဲ နေသွားရကာ သားသမီးလည်းမရှိသဖြင့် သူသေသော် ကုဋေပေါင်းများစွာသော ဥစ္စာဘဏ္ဍာတို့သည် မင်းဘဏ္ဍာဖြစ်သွားရသည်။ ထိုအပုတ္တက သူဌေးသည် အပရစေတနာပျက်ကွက်ခဲ့၍ ဖြစ်ရကြောင်း ဘုရားဟောတော်မူသည်။


(မေး) (ငါးပါးသီလ အတိုခံယူနည်း)
အရှင်ဘုရား၊ ယခုအခါ အချို့ဆရာတော်များသည် ငါးပါးသီလပေးရာ၌ အဟံ ဘန္တေ တိသရဏေန သဟ ပဉ္စသီလံ သမာဒိယာမိ-ဟုသာဆို၍ ငါးပါးသီလခံပြီးပြီဟု ဆိုပါသည်။ လူများကလည်း တိုတိုနှင့်ပြီးသဖြင့် ထိုနည်းကိုကြိုက်ကြပါသည်။ ရိုးရိုးအပြည့်အစုံဆိုတာထက် ကောင်းသည် မထင်ပါ။ ဖြေကြားရှင်းပေးစေလိုပါသည် ဘုရား။
(တိုးမောင်-မန္တလေး)

(ဖြေ)
ထိုကဲ့သို့ အဟံ ဘန္တေ တိသရဏေန သဟ ပဉ္စသီလံ သမာဒိယာမိ-ဟု နှုတ်မြွက်ဆို၍ သီလခံယူလျှင်လည်း ငါးပါးသီလကို တပေါင်းတည်း ခံယူနည်းဖြစ်၍ သီလခံယူမှု ပြီးပါသည်။ ငါးပါးသီလရပါသည်။ သို့သော် ငါးပါးလုံးကို တခါတည်းခံယူသဖြင့် တပါးပျက်လျှင်လည်း ငါးပါးလုံးပျက်သည်။ အလွယ်ဆုံး မုသားဆိုမိသော် သီလငါးပါးလုံးပင် ပျက်ပါသည်။ သို့သော် အပြစ်ခံရသည်ကား မုသာဝါဒအပြစ်ကိုသာ ခံရသည်။ ကျန်လေးပါးကား ပျက်သာပျက်သည် အပြစ်မခံရ ဟူပါ၏။

မည်သို့ပင်ဖြစ်စေ ရိုးရိုးအပြည့်အစုံ ခံယူခြင်းသာ ကောင်းပါသည်။ တလုံးတလုံးသော အက္ခရာကို ခုနစ်ကြိမ် ခုနစ်ကြိမ်သော ကုသိုလ်ဇော စိတ္တုပ္ပါဒ်တို့ဖြင့် ရွတ်ဆိုရသဖြင့် အက္ခရာများလျှင် ကုသိုလ်ဇောများစွာ ဖြစ်သောကြောင့် တိုသည်၊ နည်းသည်၊ အမြန်ပြီးသည်ဟူ၍ အတိုမကြိုက်သင့်။ အပြည့်အစုံဆို၍ ခံယူခြင်းကိုသာ ကြိုက်နှစ်သက်သင့် လိုက်နာသင့်ကြောင်း ဖြေဆိုလိုက်ပါသည်။
*********************************************************************************

(မေး) ( ပုတီးစိပ်)
အရှင်ဘုရား၊ တပည့်တော် သိလိုသည်မှာ သက်စေ့ ပုတီးစိပ်ခြင်း အကြောင်းဖြစ်ပါသည်။ ဥပမာအားဖြင့်-တချို့သောသူများသည် အသက် ၃၀-ဆိုလျှင် ပုတီးစေ့ ၃၀-ကို ပုတီးကုံးလုပ်၍ ပုတီးပတ်အရေအတွက် ၃၀-ကို ရက်ပေါင်း ၃၀-စသည်ဖြင့် စိပ်ကြပါသည်။ ၁၀၈-လုံး မဟုတ်သဖြင့် ဤကဲ့သို့ စိပ်ကြသည်မှာ စိပ်ကောင်းပါသလားဘုရား။ တပည့်တော် ပုတီးစိပ်သည်မှာ စာအုပ်ထဲတွင် ဖတ်ဖူး၍ သရဏဂုံသုံးပါးနဲ့ ၂၄-ပစ္စည်း ၂-ခုပေါင်း ၂၇-မျိုးကို ၄-ကြိမ်ရွတ်၍ ပုတီးတပတ်နှုန်းဖြင့် စိပ်ပါသည်။ ဤပုတီးစိပ်နည်းမျိုးကော စိပ်ကောင်းပါသလားဘုရား။ မည်ကဲ့သို့ဆို၍ စိပ်လျှင် အကောင်းဆုံးဖြစ်ပါသနည်း။ ဖြေကြားပေးတော်မူပါဘုရား။
( မကြည်ကြည်ဝင်း-စစ်ကိုင်း )

(ဖြေ)
ပုတီးစိပ်နည်းတို့မှာ တကျောင်းတဂါထာ၊ တရွာတပုဒ်ဆန်း ဆိုသကဲ့သို့ သူ့နည်းနှင့်သူ ကောင်းသည်ချည်းပင် ဖြစ်ပါသည်။ အမှန်မှာ မည်သည့်နည်းဖြင့် စိပ်သည်ဖြစ်စေ ဘုရား တရား သံဃာ ရတနာသုံးပါးအပေါ်၌ သမာဓိရ၍ ကြည်ညိုနေရန်အရေးကြီးပါသည်။ သို့သော် ဗုဒ္ဓဘာသာတို့ ထုံးနည်းအရ ၁၀၈-လုံး ပုတီးတွင် ဘုရားဂုဏ်တော်ကို စိပ်ခြင်းသာ အကောင်းဆုံးဖြစ်ပါသည်။

ပုံစံမှာ-၁၀၈-လုံး ပုတီးကိုကိုင်၍ သော ဘဂ၀ါ ဣတိပိ အရဟံ၊
သော ဘဂ၀ါ ဣတိပိ သမ္မာသမ္ဗုဒ္ဓေါ၊
သော ဘဂ၀ါ ဣတိပိ ၀ိဇ္ဇာစရဏသမ္ပန္နော၊ စသည်ဖြင့် ဘဂ၀ါ အထိ ဂုဏ်တော်ကိုးပါးကို ၁၂-ကြိမ် (၉x၁၂ လီ=၁၀၈) လုံး သို့မဟုတ် သော ဘဂ၀ါ ဣတိပိ မထည့်ဘဲ အရဟံ, သမ္မာသမ္ဗုဒ္ဓေ, စသည်ဖြင့် ဘဂ၀ါ အထိ ဂုဏ်တော်ကိုးပါး တဆယ့်နှစ်ကြိမ်၊ တရာ့ရှစ်လုံးတပတ်, ပြု၍ တတ်နိုင်သလောက် ပုတီးပတ် သက်စေ့စသည် စိပ်ခြင်းမှာ အကောင်းဆုံးပင် ဖြစ်ပါသည်။

ဤသို့ အရဟံ စသော ဘုရားဂုဏ်တော်ကို အဖန်တလဲလဲ ဆို၍ (နှလုံးသွင်း၍) ပုတီးစိပ်ခြင်းသည် ဗုဒ္ဓါနုဿတိဘာဝနာ ဖြစ်သည်။ ပုတီးစိပ်သူသည် ဘုရားရှင်၌ ရိုသေခြင်းများ၏။ တုပ်ဝပ်ကျိုးနွံခြင်း များ၏။ သဒ္ဓါ သတိ ပညာ ပြန့်ပြော၏။ ကုသိုလ်ပညာ ပြန့်ပြော၏။ ပီတိပါမောဇ္ဇ များ၏။ ဘေးငယ်ဘေးကြီး သည်းခံနိုင်၏။ ဒုက္ခကို မညဉ်းတွား။ ဘုရားနှင့်အတူတကွ ငါနေရသည်ဟု အမှတ်သညာ များစွာဖြစ်၏။ ဗုဒ္ဓါနုဿတိဘာဝနာ စွဲနေကိန်းအောင်းရာ ဤခန္ဓာကိုယ်သည် စေတီအိမ်နှင့်တူ၏။ ပူဇော်ခြင်းငှါထိုက်၏။ ဘုရားအဖြစ်၌ စိတ်ညွတ်ခြင်းများ၏။ ဒုစရိုက်ဝတ္ထု ကျူးလွန်စရာကြုံလျှင် ဘုရားရှင် မြင်ရသည့်အသွင် ဟီရိ သြတ္တပ္ပ ၀င်ပေ၏။ ထိုဗုဒ္ဓါနုဿတိ ဥပစာရ ဈာန်သမာဓိ၌ တည်၍ ၀ိပဿနာပွားလျှင် မဂ်ဖိုလ်ရ၏။ မရလျှင်လည်း သုဂတိဘ၀သာ လားရာရှိ၏။ ထို့ကြောင့် ကြိုးစား၍ ပုတီးစိပ်ပါလေ။
********************************************************************************

(မေး) (ယပ်)
အရှင်ဘုရား၊ ယခုရဟန်းတော်များသည် ဆွမ်းစားဆွမ်းခံသွားရာ၌ ယပ်များကို ကိုင်ဆောင်လေ့ရှိကြပါသည်။ ထိုယပ်များကို ကိုင်ဆောင်မှုသည် ဘုရားလက်ထက်က ရှိ-မရှိနဲ့ ရှိခဲ့လျှင် မည်သို့ခွင့်ပြုထားသည်ကို သိလိုပါသဖြင့် အထောက်အထားနှင့်တကွ ဖြေကြားတော်မူပါဘုရား။
(ဖိုးဇော်-မရမ်းကုန်း)

(ဖြေ)
ဝိနည်း စူဠ၀ါပါဠိတော် (၀ိ-၄-၂၆၈) ခုဒ္ဒက ၀တ္ထုက္ခန္ဓကတွင် ၀ိသာခါကျောင်းအမက မြတ်စွာဘုရားအား မြတ်စွာဘုရား၊ တပည့်တော်မသည် မြတ်စွာဘုရားအား ၀ိဓူပနဉ္စ-လေးထောင့်ယပ်ကို၎င်း၊ တာလ၀ဏ္ဍဉ္စ-ထန်းရွက်ယပ်ဝန်းကို၎င်း၊ လှူချင်ပါသည်။ တပည့်တော်မအား ရှည်မြင့်စွာသောကာလပတ်လုံး အကျိုးစီးပွားဖြစ်ရန် ချမ်းသာရန် အတွက် အလှူခံတော်မူပါဟု လျှောက်ထားသဖြင့် ဘုရား အလှူခံတော်မူသည်။

ထို့အတူ သံဃာကို ခြင်နှင့်ယပ်ကို ခွင့်ပြုထားသည်။ မင်းသုံးမင်းဆောင်ဖြစ်သည့် စာမရီသားမြီးယပ်ကိုမူ ခွင့်မပြုပါ။ ဓမ္မကထိက ရဟန်းတော်များ တရားပလ္လင်ပေါ်တွင် ကိုင်ဆောင်သည့် ဆန်းကြယ်သော ဆင်စွယ်ယပ်ကိုလည်း ခွင့်ပြုပါသည်။ သို့သော် ဆွမ်းစားဆွမ်းခံတို့၌ ကိုင်သောယပ်တို့ကား ရှေးအဆက်ဆက် ထီးကိစ္စလည်းပြီးသော ပေရွက်၊ ထန်းရွက်ကြီးများကို ပြုလုပ်သည့် ယပ်ဝန်းအရိုးကောက်ကြီးများမှ ဆင်းသက်လာသည်ဟု ဆိုရပါသည်။ ထိုယပ်ဝန်းကြီးများမှာ ရှေးခေတ်က ထီးကိစ္စလည်း ပြီးပါသည်။ နေပူမိုးရွာတွင် ခေါင်းကို မိုးကာသွား၍ လုံပါသည်။ ဤခေတ်တွင် ပျောက်ကွယ်နေပါပြီ။

ထိုယပ်ကြီးများအစား ယပ်ငယ်ကလေးများ (ပေရွက်၊ ထန်းရွက်ကိုပြုသော ယပ်ကလေးများ ) ပေါ်လာပြီး ခေါင်းကို နေပူလုံရုံကာ၍ ဆွမ်းစားဆွမ်းခံတို့တွင် ဆောင်ရာမှ ဤခေတ်တွင် အ၀တ်ကိုသာပြုသော ယပ်ဝန်းကလေးများ အစားဝင်နေပါသည်။
********************************************************************************

(မေး) ( အခြွေအရံမရှိ အထီးကျန်ဖြစ်ရခြင်း)
အရှင်ဘုရား၊ တပည့်တော်မသည် ရတနာသုံးပါးကို များစွာကြည်ညိုလေးစားစွာ အားထားပါသည်။ တပည့်တော်မမှာ အခြွေအရံမရှိပါ။ သားသမီးများကလည်း အတူနေပေးခြင်း မရှိပါ။ အိမ်ဖော်ခေါ်ထားသော်လည်း ကြာရှည်မနေပါ။ တချို့က ထွက်ပြေးပါသည်။ ထိုကဲ့သို့ အထီးကျန်ဖြစ်နေရသည်မှာ-
(၁) မည်သည့် အကုသိုလ်ကြောင့် ဖြစ်ပါသနည်း။
(၂) ဘ၀က ကုသိုလ်ပြုရာမှာ မည်သည့် ချွတ်ယွင်းချက် ရှိခဲ့၍ ဖြစ်ပါသနည်း။
(၃) ထိုအကုသိုလ် ပပျောက်ရန် မည်သို့ ကုသိုလ်ပြုရပါမည်နည်း။
ဖြေကြားလမ်းညွှန်ပေးတော်မူပါဘုရား။
(အငယ်မ-မရမ်းကုန်း)

(ဖြေ )
အတ္တနာဝ ဒါနံ ဒေတိ၊ ပရံ န သမ္မာဒပေတိ၊ သော နိဗ္ဗတ္တ နိဗ္ဗတ္တဋ္ဌာနေ ဘောဂသမ္ပဒံ လဘတိ၊ နော ပရိဝါရသမ္ပဒံ။ (ဓမ္မပဒ-ဋ္ဌ ၁၃၉)ဟူသော ဟောတော်မူချက်အရ ရှေးရှေးကုသိုလ်ပြုစဉ်က ကိုယ်သာလျှင် အလှူပေးသည်။ သူတပါးအား အလှူပေးရန် မတိုက်တွန်းခဲ့။ ထိုသူ အကျိုးပေးသောအခါ စည်းစိမ်ချမ်းသာနှင့် ပြည့်စုံသော်လည်း အခြံအရံမရှိ။ အထီးကျန် ဖြစ်ရတတ်သည်။

ထိုဟောထားချက်အရ ပြဿနာရှင်သည်လည်း ကိုယ်သာလှူပြီး သူတပါးကို လှူရန် တိုက်တွန်းခြင်း၊ ဆော်သြခြင်း မပြုခဲ့သောကြောင့် ဖြစ်ပေလိမ့်မည်။ ထို့ကြောင့် ဒါနပြုရာ၌ မိမိက ရှေ့သွားခေါင်းဆောင်ပြုကာ အခြားအဖော်အလှော်များအားလည်း လှူဒါန်းရန် တိုက်တွန်းခြင်း၊ ဆော်သြခြင်း ပြုပေးရန် လိုအပ်ပါသည်။ ဤမျက်မှောက်ဘ၀တွင် အားကိုးရာမဲ့သူများအား ကူညီခြင်း၊ ပေးကမ်းခြင်း၊ ကျွေးမွေးခြင်းများကို ပြုလျှင် စေတနာအလျှောက် အခြံအရံများ ဖြစ်ထွန်းလာနိုင်သည်ဟု ဆိုပေသည်။ ကြိုးစား၍ ပေးကမ်းလှူဒါန်းမှုကို ပြုလုပ်ပါဟု တိုက်တွန်းလိုပါသည်။
********************************************************************************

(မေး) (လဆန်း ၉-ရက် ၀ါပန်ထွက်)
အရှင်ဘုရား၊ ၀ါကျွတ်ခါနီးဆိုလျှင် ရဟန်းတော်များ လက်သုံးစကား ရှိပါသည်။ လဆန်း ၉-ရက်၊ ၀ါပန်ထွက်၊ ပြန်ရက် မရှိပါ-တဲ့။ အချို့ကလည်း ၁၀-ရက်နေ့ ၀ါပန်ထွက်မှသာလျှင် ပြန်ရက်မရှိဟု ဆိုကြပါသည်။ ယင်းတို့အတွက် အရုဏ်အပိုင်းအခြား မည်ကဲ့သို့ယူသည်ဆိုသည်ကို ဖြေကြားရှင်းလင်းပေးတော်မူပါဘုရား။
(အရှင်နာဂ-သမ္မာရိုး ၀က်လက်)

(ဖြေ)
ဝါပန်ရာ၌ ခုနစ်ရက်အတွင်း ပြန်လာအံ့-ဟု နှလုံးသွင်းရသဖြင့် ၆-ည နေခွင့်ရှိရာ သီတင်းကျွတ်လဆန်း ၉-ရက်နေ့ ၀ါပန်လျှင် သီတင်းကျွတ်လပြည့်နေ့၌ ၆-ညပြည့်သွား၍ ၀ါလည်းကျွတ်သွားသဖြင့် ပြန်မလာဘဲလည်း နေနိုင်သည်။ ပြန်မလာသဖြင့် ၀ါကျိုးပြတ်မှု မရှိတော့။ ရောက်ရာဌာန (ကျောင်း)တွင် ပ၀ါရဏာပြုလိုက်နိုင်သည်ဟု ဆိုပါသည်။ အချို့က သီတင်းကျွတ်လပြည့်နေ့တွင် ၀ါမကျွတ်သေး၊ လပြည့်ကျော် ၁-ရက်မှ ၀ါကျွတ်သည်ဟု အယူရှိ၍ ၉-ရက်မဟုတ်၊ ၁၀-ရက်ဟု ပြောဆိုဟန် ရှိပါသည်။ မိမိကျောင်းတိုက်တွင် နေ၍ ၀ါကျွတ်ခရီးသွားလိုသော ရဟန်းသည် ပ၀ါရဏာပြုပြီးလျှင် သွားနိုင်သဖြင့် ပ၀ါရဏာပြုမှုကိုသာ ပဓာနထားသဖြင့် ၉-ရက်ဆိုသောစကားကို သဘောကျသင့်ပါသည်။
*********************************************************************************

(မေး) (နာကိုး-တောင်းရှစ်- ဂါထာ)
အရှင်ဘုရား၊
(၁) န၀ကပ္ပံ သုတဓမ္မံ၊ အဋ္ဌကပ္ပဉ္စ ယာစိတော။
ဧကောကုပ္ပေါ နုမောဒနာ၊ ဒေသိတောစ အသင်္ချေယျော။
ဟူသောဂါထာသည် အဘယ်ကျမ်းကလာပါသနည်း။

(၂) ၄င်းဂါထာသည် ဘယ်ဒေသနာများကို ထောက်၍ ရေးထားပါသနည်း။
(၃) သဟဿနေတ္တော-မျက်စိတထောင် အမြင်ဆောင်သော၊ ဒေ၀ရာဇာ-သိကြားမင်းကြီး။
(၄) ရောင်ခြည်တထောင် အလင်းဆောင်သော နေမင်းကြီးတို့၌ မျက်စိတထောင်၊ ရောင်ခြည်တထောင်တို့၏ အဓိပ္ပါယ်ကို သိလိုပါသည်။
( အရှင်အဂ္ဂ၀ံသ-မန္တလေး )

(ဖြေ)
န၀ကပ္ပံ သုတဓမ္မံ-စသော ဂါထာနှင့် နာကိုးတောင်းရှစ်၊ သာဓုတစ်၊ ဟောလစ်အသင်္ချေ-ဟူသော ဆောင်ပုဒ်တို့မှာ ဘုရားဟောကျမ်းဂန်လာ မဟုတ်ပါ။ ရှေးယပ်ထောင်တရားစာများတွင် ရေးသားပါရှိသော ဂါထာဆောင်ပုဒ်များသာ ဖြစ်ပါသည်။ ခိုင်ခံ့သော ပါဠိ အဋ္ဌကထာတို့တွင် မပါရှိသော်လည်း ၀တ္ထုကြောင်းများအရ ဋီကာစသည်များတွင် ပါကောင်းစရာရှိပါသည်။ တိုက်ရိုက်မတွေ့ဘူးပါ။

သိကြားမင်းအား သဟဿနေတ္တော-မျက်စိတထောင် အမြင်ဆောင်သည့်နေမင်းအား၊ သဟဿရံသီ-ရောင်ခြည်တထောင် အလင်းဆောင်သည် ဆိုသောစကားများမှာ တရာ၊ တထောင် (သင်္ချာမဟုတ် အနေကတ္ထ အနက်အများအဓိပ္ပါယ်ကိုယူ၍ မျက်စိတထောင် ရှိသကဲ့သို့ များပြားကျယ်ဝန်းစွာ မြင်သိနိုင်သည်။ ရောင်ခြည်ပေါင်း တထောင်ရှိသကဲ့သို့ လောကဓာတ် တခုလုံး သိမ်းကျုံး၍ လင်းစေနိုင်သည်ဟူသော အဓိပ္ပါယ်ကိုဆောင်သည့် အနေကသင်္ချာ ဥပမာန ပါဠိများဖြစ်ကြောင်း မှတ်သားနိုင်ပါသည်။
********************************************************************************

(မေး) (ဘုရားလက်ထက် သိမ်)
အရှင်ဘုရား၊ ရဟန္တာသိမ်တော်များ၊ ရှေးဟောင်း သိမ်တော်များနှင့် ယခုအခါတွင် ဘုန်းတော်ကြီးကျောင်းများ၌ သိမ်များကိုတွေ့ရပါသည်။ ဘုရား၊ ရဟန်းသံဃာတော်များလည်း သိမ်ဝင်သိက္ခာတင် ပြုလုပ်ကြပါသည် ဘုရား၊ ဘုရားလက်ထက်တော်အခါက သိမ်များ ရှိ-မရှိနှင့် သံဃာတော်များ သိမ်ဝင်ခြင်း၊ သိက္ခာတင်ခြင်း ရှိ-မရှိ သိလိုပါကြောင်း မေးလျှောက်အပ်ပါသည်။
(မောင်စိုးငြိမ်း-ငဖဲမြို့)

(ဖြေ)
မြတ်စွာဘုရား ပွင့်တော်မူစက ဧဟိဘိက္ခုအဖြစ်ဖြင့် မြတ်စွာဘုရားကိုယ်တိုင် ရဟန်းပြုပေးခဲ့ပါသည်။ ထို့နောက် ရဟန်းတော်များက အနယ်နယ်အရပ်ရပ်တွင် သရဏဂုံဖြင့် ရဟန်းပြုပေးကြရပါသည်။ ထိုအချိန်၌ သိမ်များမရှိသေးဟု မှတ်ရပါမည်။ ထိုနောက် ရာဓပုဏ္ဏားကို အရှင်သာရိပုတ္တရာ-က ရဟန်းပြုပေးရာတွင်မှ ဉတ္တစတုတ္ထကမ္မ၀ါစာဖြင့် ရဟန်းပြုပေးရန် ခွင့်ပြုတော်မူသည်။ အနုဇာနာမိ ဘိက္ခဝေ သီမံ သမ္မန္နိတုံ-ဟုလည်း သိမ်သမုတ်ရန်ခွင့်ပြုတော်မူခဲ့၍ မြတ်စွာဘုရားလက်ထက်ကပင် သိမ်များရှိကြောင်းသိနိုင်ပါသည်။

သမုတ်ရသော ဗဒ္ဓသိမ်များ ရှိသကဲ့သို့ပင် နဒီဇာတဿရ စသော ဥဒကုက္ခေပ (ရေ)သိမ်များ၊ သတ္တဗ္ဘန္တရသိမ်များကိုလည်း အသုံးပြုကြောင်း တွေ့ရပါသည်။ ထို့ကြောင့် ဘုရားလက်ထက်က ရဟန်းများ၊ ဘိက္ခုနီများ၊ ကံကြီးကံငယ်ဆောင်ရန် သိမ်များ ရှိကြောင်း၊ ကာလကြာမြင့်၍ အချို့သိမ်များ ပျောက်ကွယ်သွားနိုင်ကြောင်း မှတ်သားသင့်ပါသည်။
********************************************************************************

(မေး) (ကမ္မဋ္ဌာန်းတရား၏ လောကီကျိုး)
အရှင်ဘုရား၊ ၀ိပဿတရား အားထုတ်ခြင်းဖြင့် လောကုတ္တရာကောင်းကျိုးချမ်းသာ-သာမက လောကီကောင်းကျိုးချမ်းသာပါ ရရှိပုံကို သိလိုပါသဖြင့် အထောက်အထားသာဓကတို့ဖြင့် ဖြေကြားစေလိုပါသည်ဘုရား။
(မသက်ဝေဦး-သုဝဏ္ဏမြို့)

(ဖြေ)
ဝိပဿနာတရား အားထုတ်ခြင်းဖြင့် လောကုတ္တရာကောင်းကျိုးချမ်းသာ ရပုံများကို အထူးဆိုဖွယ်မလိုပါ။ ကြိုးစားသလောက် ပေါက်မြောက်အောင်မြင်နိုင်ကြပါသည်။ အချို့ ကြိုးစားရင်း သက်တမ်းကုန်ဆုံးသွားသူများမှာ ၀ိပဿနာဘာဝနာ၏ အကျိုးကြောင့် ထူးထူးခြားခြား လောကီအကျိုးပေးသွားပုံများကို စူဠရထနတ်သား၊ မဟာရထနတ်သား၊ အနေက၀ဏ္ဏနတ်သားတို့ ၀တ္ထုဖြင့် ထင်ရှားပါသည်။ ထိုနတ်သားများသည် တရားအားထုတ်ရင်း ကွယ်လွန်၍ တာဝတိံသာနတ်ပြည်တွင် နတ်သားများဖြစ်ကြရာ သိကြားမင်းစသော နတ်မင်းများထက်ပင် တန်ခိုးကြီးနေပါသည်။ ၄င်းနတ်သားများ အခမ်းအနားဖြင့် ထွက်ချီလာလျှင် ခမ်းနားကြီးကျယ်လွန်းသဖြင့် သိကြားမင်းပင် မထွက်ဝံ့ပဲ ရှိနေကြောင်း ဆိုပါသည်။ ၄င်းနတ်သားများသည် ၀ဋ္ဋာဘိရတ ဘုံစဉ်စံ သောတာပန်နတ်သားများဖြစ်ကြောင်း ကျမ်းဂန်များက ပြဆိုထားပါသည်။

သမဏနတ်သားသည်လည်း ရဟန်းဘ၀ဖြင့် တရားအားထုတ်နေရင်း ကွယ်လွန်သွားရာ တာဝတိံသာနတ်ပြည်မှာပင် နတ်သားဖြစ်ကြောင်း၊ နတ်သားဖြစ်နေသော်လည်း ဖြစ်နေမှန်းမသိ၊ ထိုင်၍ တရားအားထုတ်မြဲ အားထုတ်နေသဖြင့် နတ်သမီးများက ကြေးမုံ (မှန်) ကြီးများကိုထောင်ကာ နတ်သားဖြစ်နေကြောင်းသိရန် ပြရကြောင်း၊ ထိုနတ်သားသည်လည်း တရားတန်ခိုးကြောင့် အလွန်တန်ခိုးကြီးကြောင်း၊ ဘုရားရှင်ထံ ချက်ချင်းသွား၍ တရားနာရာ မဂ်ဖိုလ်ရရှိကြောင်း လာရှိပါသည်။


(မေး) (အသက်တထောင့်သုံးဆယ်)
အရှင်ဘုရား၊ သက်တော် ၁၀၃၀-ရှိသည်ဆိုသည်မှာ ဖြစ်နိုင်ပါသလားဘုရား။ လူ့သက်တမ်းတရာခေတ်၌ အသက် ၁၀၃၀-ရှိသည်ဆိုသော ထွက်ရပ်ပေါက်ဝိဇ္ဇာဓိုရ် ဆရာတော်ကြီးများ ပေါ်ပေါက်နေပါသည်။ မြတ်စွာဘုရားလက်ထက်တော်၌ ထိုကဲ့သို့ သက်တမ်းရှည်သော ရဟန္တာပုဂ္ဂိုလ်ကြီးများ ရှိခဲ့ပါသလား။ ရှိခဲ့ပါလျှင် သက်တော်အရှည်ဆုံးသော ရဟန္တာ အရှင်သူမြတ်၏ သက်တော်နှင့် အမည်နာမတော်ကို သိလိုပါသည်။ ဖြေကြားပေးတော်မူပါအရှင်ဘုရား။
(ရေလှိုင်း-ဆားငန်မြေ)

(ဖြေ)
သက်တမ်းတရာတမ်းတွင် အလွန်ကုသိုလ်ကောင်းပါမှ အသက်တရာထက် အနည်းငယ်သာ ပို၍နေရကြောင်း၊ မည်မျှ ကုသိုလ်ကောင်းသည်ဖြစ်စေ အသက်နှစ်ရာအထိ မနေရကြောင်း ဘုရားဟောတော်မူချက် ရှိလေသည်။ ဒုတိယံ ၀ဿသတံ အပတွာ ၀ီသာယ ၀ါ၊ တိံသာယ ၀ါ စတ္တာလီသာယ ၀ါ ပညာသာယ ၀ါ သဋ္ဌိယာ ၀ါ ၀ေဿ ဟိ အဓိကမ္ပိ ၀ဿသတန္တိ အတ္ထော၊ သဗ္ဗမ္ပိဟေတံ၊ ဒုတိယံ ၀ဿသတံ အပတ္တတ္တာ အပ္ပန္တိ ၀ုတ္တံ။ ( အဘိ ဋ္ဌ ၂-၅၀၃) အသက်အရှည်နိုင်ဆုံး တရာ့ခြောက်ဆယ်သာ ဖြစ်နိုင်သည်။ မြတ်စွာဘုရားလက်ထက်က အရှင်ဗာကုလမထေရ်သည် သက်တော် ၁၆၀-ရှည်ကြောင်း ထင်ရှားပါသည်။ ထို့ကြောင့် ဤလူ့သက်တမ်း တရာခေတ်တွင် အသက်တထောင်ကျော် ရှည်သူ မရှိနိုင်ကြောင်း၊ အသက် နှစ်ရာထိ ရှည်သူပင် မရှိကြောင်း မှတ်းသားသင့်ပါသည်။
********************************************************************************

(မေး) ( ကုသိုလ်၏ တူသောအကျိုးပေး)
အရှင်ဘုရား၊ အချို့သော လူသားများ၏ ပါးစပ်ဖျားတွင် မကောင်းသောအကုသိုလ်လုပ်လျှင် တူသောအကျိုးကို ပေးတတ်သည်-ဟု ဆိုနေကြပါသည်။ ကောင်းသောကုသိုလ်အလုပ်က တူသောအကျိုးကို မပေးနိုင်ဘူးလားဘုရား။ ကုသိုလ်အလုပ်၏ တူသောအကျိုးပေးပုံကို သာဓကဆောင်၍ ဖြေကြားပေးစေလိုပါသည်ဘုရား။
(အရှင်ဝါယမ-တပ်ကုန်း)

(ဖြေ)
ဆွမ်းဆက်ကပ်ရာ၌ သက်ရှည်, ဆင်းလှ, ချမ်းသာရ, ဗလ, ဉာဏ်ပညာ-ဟူသော သံဃာတော်များရသည့် ဆွမ်းအကျိုး ငါးပါးမှာ အလားတူ ဆွမ်းဒကာများလည်း ရကြောင်း ဆိုပါသည်။ ထို့အတူ ကထိန်သင်္ကန်းလှူရာ၌ အနာမန္တစာရ-စသော သံဃာတော်များရသော ကထိန်အကျိုး ငါးပါးနှင့်အလားတူ ( သွားလေရာရာ၊ နှောင့်ယှက်ကွာ၍၊ ဥစ္စာထားသွား၊ မပျက်ပြားနှင့်၊ သောက်စားအစာ၊ ဘေးကင်းကာပြင်၊ ဥစ္စာများလျက်၊ သူမဖျက်ဘဲ၊ သူ့ထက်ထူးကာ၊ ရရှိလာသည်၊ ဒကာအကျိုးပေးပုံတည်း-) ဟူသည်တို့မှာ ကုသိုလ်အလုပ်၏ တူသောအကျိုးပေးပုံများပင်ဟု မှတ်ရပါမည်။
*********************************************************************************

(မေး) (ကိုယ့်ကိုယ်ကို သတ်ခြင်း)
အရှင်ဘုရား၊ ကိုယ့်ကိုယ်ကို သေအောင်သတ်၊ ပါဏာတိပါတ် အကုသိုလ်၊
သင့်မသင့်၊ ဖော်ဖွင့်သာဓကရယ်နှင့်၊ စာပြဆရာမြတ်၊ ပုဒ်ပါဌ်ဖွင့်ဆို။
သိလိုပါ ထိုထိုပ စကား၊ အဖန်ဖန် ငါးရာမှန် ကမ္ဘာကျအောင်၊ ပါဏကိုယ်တိုင်သတ်ပါသတဲ့၊
မှတ်လာသည်ကို ထိုအကြောင်းကို ပေါင်းဖြေပါဘုရား။
( ကဗျာဆို သာချို၊ ဗဟန်းမြို့နယ်)

(ဖြေ)
ကိုယ့်ကိုယ်ကို ဖယ်ကာထား၊ တပါးသောသတ္တ၀ါ၊
ပါဏေန ပါဏသညီပြ၊ မှတ်ကြစရာ။
ပရပါဏာမှ (ကိုယ်မှတပါး အခြားသတ္တ၀ါမှ) သင့်ပါရ မှန်စွာ၊ ကိုယ့်ဟာကိုယ် မသင့်။
ဖန်ငါးရာ ဘယ်စာမှာ ဆိုမရှိပါဘူး၊ ရေးသိပါလင့်။

အတ္တာနံ မုဉ္စိတွာ ပရပါဏမှိ ပါဏသညိတာ လက္ခဏဿ အင်္ဂဿ အဘာဝတော၊ နေ၀တ္ထိ ပါဏာတိပါတော။
အတ္ထတော ပန ပါဏေ-ပါဏသညိနော ပရသ ဇီဝိတိန္ဒြိယုပစ္ဆေဒက ပယောဂသမုဋ္ဌာပိကာ ကာယ၀စီဒွါရာနံ အညတရ ဒွါရပ္ပ၀တ္တာ ၀ဓက စေတနာ။ ( သာရတ္ထ ဋီ ၁-၃၄၂ )
*********************************************************************************

(မေး) ( ဧကဗီဇိ သောတာပန်နှင့် သကဒါဂါမ်)
အရှင်ဘုရား၊ ဧကဗီဇိ သောတာပန်သည် တကြိမ်သာ ပဋိသန္ဓေနေတော့မည် ဆိုပါသည်။
သကဒါဂါမ်သည် လူ့ပြည်သို့ တကြိမ်သာ လာသည်ဟု ဆိုပါသည်။ ၄င်းတို့နှစ်ဦး တကြိမ်ချင်း မည်သို့ ကွာခြားပါသနည်း။ ရှင်းလင်းသိသာအောင် ဖြေကြားပေးပါဘုရား။
( ခင်ငြိ်မ်းငြိမ်း-အဘိဓမ္မာသင်တန်းသူ ၀

(ဖြေ)
ဧကဗီဇိ သောတာပန်ဆိုသည်မှာ ဧတ္ထ ဧကဿဘ၀ဿ ဗီဇံ ဧကေဿဝ အတ္ထီတိ ဧကဗီဇိ၊ ဤပုဂ္ဂိုလ်အား တကြိမ်သာလျှင်ဖြစ်သော ဘ၀၏ပဋိသန္ဓေ ဟူသော မျိုးစေ့ရှိ၏။ ထို့ကြောင့် ဧကဗီဇိ မည်၏-ဟုဆိုသဖြင့် တဘ၀မျှသာ ပဋိသန္ဓေမျိုးစေ့ရှိ၍ နှစ်ဘ၀ ပဋိသန္ဓေ မနေရတော့ပေ။

သကဒါဂါမ်ကား ဣဓပန ပတွာ ဒေ၀လောကေ ယာဝတာယုကံ ၀သိတွာ ပုန ဣဓ ဥပ္ပဇ္ဇိတွာ ပရိနိဗ္ဗာယန္တောစ ဂဟိတောတိ ဝေဒိတဗ္ဗော (ပုဂ္ဂလပညတ္တိ အဋ္ဌကထာ) ဆိုသောကြောင့် ဤလူ့ပြည်၌ သကဒါဂါမိဖိုလ်သို့ရောက်၍ နတ်ပြည်၌ဖြစ်ကာ အသက်တမ်းအတိုင်း နေပြီးမှ တဖန် ဤလူ့ပြည်သို့ တကြိမ်ပြန်လာသည်။ သို့ဖြစ်၍ ဤလူ့ပြည်၌ ပရိနိဗ္ဗာန်ပြုရသဖြင့် (ဧကဗီဇိ သောတာပန်က ပဋိသန္ဓေတကြိမ်၊ သကဒါဂါမ်က ပဋိသန္ဓေ နှစ်ကြိမ်ဖြစ်၍) ထူးခြားမှုကို မှတ်သားထားသင့်ပါသည်။
********************************************************************************

(မေး) (၀ိညာဉ်)
အရှင်ဘုရား၊ ဗုဒ္ဓဘာသာအလိုအရ ၀ိညာဉ် (လိပ်ပြာ) မရှိဟု သိရပါသည်။ သို့သော် ဘာသာရေးစာစောင်များတွင် သေခါနီးလူ၏ ၀ိညာဉ်က ငရဲပြည်သို့ရောက်သွားပြီး အချိန်မကျသေးသဖြင့် လူ့ပြည်သို့ပြန်လာ၍ မိမိတို့အကြောင်းကို ပြန်ပြောပြသည့် သေရွာပြန်များအကြောင်းကို မကြာခဏ ဖတ်ရပါသည်။ ၄င်းဝိညာဉ်ကို မည်သို့ခေါ်ဆိုပါမည်နည်း။ ၄င်းဝိညာဉ်သည် ၃၁-ဘုံတွင် မည်သည့်ဘုံ၌ ပါဝင်သည်ကို သိလိုပါသဖြင့် ဖြေကြားပေးပါရန် ရိုသေလေးစားစွာ လျှောက်ထားအပ်ပါသည်ဘုရား။
(ဦးကျော်ဇင်-သာကေတ)

(ဖြေ)
သေခါနီး ငရဲပြည်သို့ရောက်သွားပြီး မသေဘဲ ပြန်လာ၍ အဖြစ်ကို ပြောပြသူများသည် ဂတိနိမိတ်ထင်ပြီးမှ မသေဘဲ ပြန်ရှင်လာခြင်း-ဟု မှတ်သင့်ပါသည်။ မည်သူမဆို ကံ ကမ္မနိမိတ် ဂတိနိမိတ် သုံးမျိုးထင်မြဲတွင် ဂတိနိမိတ်က ငရဲကို မြင်ပြီးမှ အကြောင်းအားလျော်စွာ မသေဘဲ ပြန်ကောင်းလာပြီး ထိုအချိန်တွင် ကုသိုလ်ပြု၍ ဒေ၀နိမိတ်ပြောင်းကာ နတ်ပြည်၌ ဖြစ်သွားခြင်းမျိုးလည်း ရှိပါသည်။

သောဏရဟန္တာ၏ ခမည်းတော် မုဆိုးကြီးကို သောဏရဟန္တာက အိုကြီးအိုမှ ရဟန်းဝတ်ပေးထားရာ သေခါနီးတွင် ငရဲခွေးကြီးများ အကိုက်ခံနေရသော ဂတိနိမိတ် ထင်လာ၍ အော်ဟစ်နေသဖြင့် သောဏရဟန္တာက ကိုရင်များကို ပန်းများခူးခိုင်းကာ ဖခင်ရဟန်းကြီးအား ဘုရားရှေ့သို့ ညောင်စောင်းနှင့်ယူလာပြီး အပူဇော်ခိုင်းလေသည်။ ထိုအခါ ငရဲဂတိ နိမိတ်များ ပျောက်ပြီး နတ်ပြည်နိမိတ်များမြင်၍ ကွယ်လွန်သော် နတ်ပြည်၌ဖြစ်ကြောင်း ၀တ္ထုရှိပါသည်။

ထိုဝတ္ထုအရ ပထမငရဲနိမိတ်ထင်၍ မသေဘဲ ပြန်ကောင်းလာပြီးနောက် ကုသိုလ်အဟုန်ကြောင့် ဒေ၀နိမိတ်ပြောင်းထင်သည်ကို ထောက်၍ သေခါနီး ဂတိနိမိတ်ထင်ခြင်းကို ၀ိညာဉ်ဟု ယူဆပြောဆိုကြခြင်း ဖြစ်ပါသည်။ သေ၍ လူဝင်စားဖြစ်သူများကလည်း ထိုဂတိနိမိတ်ကိုပါ ပြန်၍ မြင်ပြီး ၀ိညာဉ်လွင့်ပါးသွားဟန် ပြောဆိုကြသည်လည်း ရှိပါသည်။ ဂတိနိမိတ်ကို ၀ိညာဉ်ထင်နေခြင်းသာဖြစ်သည်။ တခါတရံ ပေတလောကသို့ ရောက်သွားသည်ကိုလည်း ၀ိညာဉ်ဟုထင်၍ ပြောကြပါသည်။ ပေတလောက၌ ရုပ်ရော နာမ်ပါရှိသော်လည်း ရုပ်ကို လူများမမြင်ရ၍ ၀ိညာဉ် နာမ် လိပ်ပြာကောင်ဟု အထင်မှား ပြောကြားကြခြင်းဖြစ်ကြောင်း မှတ်သားရန် ဖြေကြားအပ်ပါသည်။
*********************************************************************************

(မေး) ( ပါရာဇိကနှင့် ကန်တော့ခြင်း)
အရှင်ဘုရား၊
(၁) ပထမပါရာဇိကကျပြီးသော ရဟန်းသည် သိက္ခာချရန် လို-မလို၊ အကယ်၍ တဦးဦးထံချမိပါက အကျိုးအပြစ် ဖြစ်နိုင်ပါသလား။ မဂ်ဖိုလ်၏ အန္တရာယ်ကော ဖြစ်နိုင်ပါသလား။
(၂) ဘုရားရှိခိုးတဲ့အခါမှာ ရတနာသုံးပါးနှင့် အရိယာပုဂ္ဂိုလ်များ၊ မိဘ၊ ဆရာသမားများ၊ ကျေးဇူးရှိခဲ့ဖူးသူများအပေါ် ပြစ်မှားမှုများကို ဘုရားရှေ့မှေကြ်၌ ၀န်ချတောင်းပန်ခဲ့လျှင် အပြစ်များသည် ကျေပျောက်နိုင်ပါသလား။ ဤမေးခွန်း ၂-ချက်ကို သိလိုပါ၍ ဖြေကြားပေးတော်မူပါဘုရား။
(ဦးအောင်မြင့်-ရမည်းသင်း)

(ဖြေ)
ပါရာဇိကလေးပါးလုံးမှာပင် ပါရာဇိကကျပြီးသော ရဟန်းအနေဖြင့် ပါရာဇိကသိက္ခာပုဒ်ကို လွန်ကျူးပြီးသည်နှင့် တပြိုင်နက် သိက္ခာကျ (လူဖြစ်) သွားပြီးဖြစ်၍ သိက္ခာထပ်ချနေစရာ မလိုတော့ပါ။ လူ့ဘ၀ (သ်ု့မဟုတ်-လူဖြစ်ပြီးမှ သာမဏေ၀တ်၍ သာမဏေဘ၀) ရသေ့ဘ၀တို့ဖြင့် တရားအားထုတ်လျှင် မဂ်ဖိုလ်အန္တရာယ်မဖြစ်ပါ။

ဘုရားရှိခိုး ကန်တော့ရာ၌ ရတနာသုံးပါးအား ကန်တော့ချိန်တွင်တခြားမိဘဆရာသမားစသည်တို့အား ပြစ်မှားများကိုပါ အမှတ်တရ ထည့်သွင်းကန်တော့ပါက ထိုပြစ်မှားခဲ့သော အပြစ်များ ကျေပျောက်နိုင်ပါသည်။ မိဘ၊ ဆရာသမား၊ ဦးကြီး၊ ဦးလေး၊ အဒေါ်၊ အကို၊ အမ၊ စသည် အထူးထည့်ဆိုရန် မလိုပါ။ စိတ်ထဲ နှလုံးထဲမှ သတိတရ နှလုံးသွင်းရန်သာ လိုပါသည်။
********************************************************************************

(မေး) (အရူပဘုံလေးရွာ အရိယာ ရှိ-မရှိ)
အရှင်ဘုရား၊
ရုပ်ခန္ဓာ သူမရှိ၊ ဘူမိတဲ့လေးရွာ။
အရိယာ ရှိ-မရှိ၊ သိချင်လှပါ။
အချို့သော စာစောင်မှာ၊ ရှိပါတယ်ဆိုထား။
ဘယ်ဟာဘယ်လို မှတ်ရမယ်၊ မြတ်ဆရာ က၀ိန္ဒော ဟောပြပါဘုရား။
(ချမ်းမြေ့ကြည်-ကောလင်း)

(ဖြေ)
ရုပ်ခန္ဓာ သူမရ၊ အရူပဘုံလေးရွာ။
မဂ်သောတာမှတပါး၊ ရငြားရိယာသတ် ရှိလတ်မှန်စွာ။
ပရတောဃောသတဲ့၊ ဗုဒ္ဓရဟန္တာတို့
ဒေသနာထောက်ပံ့ကင်းတာမို့၊ ရှင်းပါရ မဂ်သောတာ မှတ်ပါတော့ အမြဲ။
ဘိဓမ္မာ သိစရာဒီပနီက ဤသည်ကို ဤနှယ်ဖွင့်တယ် သိသင့်သည်ပဲ။

ပရတောဃောသပစ္စယာ ဘာဝတော ပထမမဂ္ဂေါပိ၊ အရူပလောကေ န ဥပလဗ္ဘတိ။ ပထမမဂ္ဂ၀ဇ္ဇိတ သတ္တလောကုတ္တရ စိတ္တာနီတိ အာရုပ္ပေ ဒွေစတ္တာလီသ ၀ီထိစိတ္တာနိ ဥပလဗ္ဘန္တိ။
( အဘိဓမ္မတ္ထ သင်္ဂဟ ဒီပနီ၊ ၁၆၂)
*********************************************************************************

(မေး) ( ကုဋေကိုးထောင်ကျော်)
အရှင်ဘုရား၊ သိက္ခာပုဒ် ကုဋေကိုးထောင်ကျော်ဟု ပြောဆိုသောစကား ရှိပါသည်။ ၄င်းကုဋေကိုးထောင်ကျော် ဆိုရာ၌ မည်မျှ ကျော်သည်ကို အတိအကျ ဖော်ပြဖြေကြားစေလိုပါသည် အရှင်ဘုရား။
(ရှင်သာဂရဉာဏ-မုံရွာ)

(ဖြေ)
ကုဋေကိုးထောင်ကျော် ဟူသောစကားမှာ ကုဋေ ကိုးထောင် တရာ့ ရှစ်ဆယ် ငါးသန်း သုံးသောင်း ခြောက်ထောင် (၉,၁၈၀,၅၀၃၆၀၀၀) ဖြစ်ပါသည်။ ပါဠိဂါထာမှာ
န၀ကောဋိသဟဿာနိ၊ အသီတိ သဟကောဋိယော။
ပညာသ သတ သဟဿာနိ၊ ဆတ္တိံသာစ ပုန ပရေ။
ဧတေ သံဝရ၀ိနယာ၊ သမ္ဗုဒ္ဓေန ပကာသိတာ။
ပေယျာလ မုခေနိန္ဒိဋ္ဌာ၊ သိက္ခာဝိနယ သံဝရေ။ (၀ိသုဒ္ဓိ)

ယင်းကိုရှေးဆရာတို့သည် ( နေနတ်နီးတိုင်း၊ ဂနိုင်းမိုးနန်၊ ဟုန်ယာဉ်ဈာန်) ဟု ပိဋကတ်သင်္ချာနည်းဖြင့် ဖွဲ့ဆိုထားခဲ့ပါသည်။

( မှတ်ချက်။ ။ မြတ်မင်္ဂလာမဂ္ဂဇင်း ၂၀၀၁-ခု သြဂုတ်လ၊စက်တင်ဘာ၊အောက်တိုဘာလတို့တွင်ဖေါ်ပြချက်များမှကူးယူမျှဝေခြင်းဖြစ်ပါသည်။)